KetireddyPeddareddy : తాడిపత్రి మాజీ ఎమ్మెల్యే కేతిరెడ్డి పెద్దారెడ్డికి సుప్రీంకోర్టులో ఊరట:తాడిపత్రి మాజీ ఎమ్మెల్యే, వైసీపీ నాయకుడు కేతిరెడ్డి పెద్దారెడ్డికి సుప్రీంకోర్టులో భారీ ఊరట లభించింది. తనను తాడిపత్రి పట్టణంలోకి రాకుండా అడ్డుకుంటున్నారని ఆయన దాఖలు చేసిన పిటిషన్పై విచారణ జరిపిన సుప్రీంకోర్టు, ఆయనకు అనుకూలంగా తీర్పు చెప్పింది.
తాడిపత్రికి కేతిరెడ్డి పెద్దారెడ్డికి సుప్రీంకోర్టులో ఊరట
తాడిపత్రి మాజీ ఎమ్మెల్యే, వైసీపీ నాయకుడు కేతిరెడ్డి పెద్దారెడ్డికి సుప్రీంకోర్టులో భారీ ఊరట లభించింది. తనను తాడిపత్రి పట్టణంలోకి రాకుండా అడ్డుకుంటున్నారని ఆయన దాఖలు చేసిన పిటిషన్పై విచారణ జరిపిన సుప్రీంకోర్టు, ఆయనకు అనుకూలంగా తీర్పు చెప్పింది.
గతంలో ఆంధ్రప్రదేశ్ హైకోర్టు ఇచ్చిన ఆదేశాలపై స్టే విధిస్తూ, పెద్దారెడ్డి తాడిపత్రిలోకి వెళ్లేందుకు అనుమతి ఇచ్చింది. అంతేకాక, ఆయనకు పటిష్టమైన భద్రత కల్పించాలని పోలీసులను ఆదేశించింది. తన నియోజకవర్గంలోకి ప్రవేశించకుండా టీడీపీ నేతలు అడ్డంకులు సృష్టిస్తున్నారని పెద్దారెడ్డి తన పిటిషన్లో పేర్కొన్నారు. ఈ వాదనలను పరిగణనలోకి తీసుకున్న న్యాయస్థానం ఈ ఆదేశాలు జారీ చేసింది.
ఈ తీర్పుపై కేతిరెడ్డి పెద్దారెడ్డి హర్షం వ్యక్తం చేశారు. “సర్వోన్నత న్యాయస్థానంలో న్యాయం గెలిచింది. నేను తాడిపత్రి వెళ్లేందుకు కోర్టు అనుమతి ఇచ్చింది. నాకు పటిష్ట భద్రత కల్పించాలని కూడా పోలీసులను ఆదేశించింది” అని ఆయన తెలిపారు. కోర్టు తీర్పు కాపీలను జిల్లా ఎస్పీకి అందజేసి, త్వరలోనే తాడిపత్రికి వెళ్తానని ఆయన చెప్పారు. నియోజకవర్గ ప్రజలకు అందుబాటులో ఉంటూ సేవ చేస్తానని, పోలీసులకు పూర్తిగా సహకరిస్తానని ఆయన అన్నారు.
Read also:‘OG’ సృష్టించిన సంచలనం: అమెరికాలో రికార్డ్ ప్రీ-సేల్స్!
